你打算同你Babe去個靚景遊，你會揀入住以下邊種酒店？
A. 簡單得嚟又有格調嘅小木屋
B. 五星級酒店總統套房
C. 坐落風景區嘅浪漫情人套房
分析：
選A：可造之材
你睇起上嚟比較老實，無咩殺傷力，其實內裏不知幾精明，要呃你並唔容易，呢類型可以話係「扮豬食老虎」型，唔係說你真係扮蠢，只係有啲膚淺嘅人單從外表會以為你好蝦，其實就岩岩相反。如果好好運用呢個特性，你有能力減少別人對你嘅戒心，攻其不備；但係要注意！「商場」上瞬息萬變，唔可以時時都採取呢種「隱藏實力」嘅策略，有時就係要硬碰硬，展露鋒芒，先可以搶盡先機，壓倒對手，否則就會出手太遲！
選B：入型入格
你頗有做大事嘅風範，做事務實理性又大方，唔會拖泥帶水，識得分緩急輕重，有原則、有幹勁，唔會隨便被其他人同事左右，凡事睇長線，從問題根源同解決方法入手，出手大器，唔會為啲雞毛蒜皮嘅事而斤斤計較；假以時日，可鍛鍊得收放自如。除咗創業做老闆，假如遇到一份有機會發揮嘅好工，你都可以成為一個出色嘅管理人材。
選C：副手之選
你份人好識得為人設想，聰明伶俐，識得閱讀別人嘅心思，呢啲都係優點，但係講到做生意嘅話，就可能會考慮太多，兼顧唔嚟而顧此失彼，而且你份人容易心軟，也唔係好習慣做企出嚟話事嘅角色，所以都係比較適合做個副手，幫人哋出點子，好好運用你嘅細心、靈活嘅頭腦，你會係得人信賴嘅好幫手。
（資料來源：Cosmo）
——-
「半杯水創業」
一個學師未滿，虛懷若谷的創業故事。
＃創業資訊＃創業
想在數碼市場取得優勢？
致電查詢：（852）3110 8262
了解詳細：www.facebook.com/Half.Empty.HK/